ஸ்ரீ முத்தப்பன் கோயில் 

 வடவள்ளி ,கோவை .

பக்தர்கள் சிவனை வழிபட சைவ தலங்களுக்கும் விஷ்ணுவை வழிபட வைஷ்ணவ ஆலயங்களுக்கும் செல்வார்கள். ஆனால் ஸ்ரீ முத்தப்ப தெய்வத்தின் ஆலயத்திற்கு வருகை தரும் பக்தர்களுக்கு இரு தெய்வங்களும் ஒரே சந்நிதியில் காட்சியளிக்கிறார்கள்.

பக்தர்கள் முத்தப்பா என்று விளித்தால் சிவன் விஷ்ணு இருவரையும் அழைத்ததாக அர்த்தமாகும்.முத்தப்ப தெய்வத்தை வழிபட மந்திர உட்சாடனங்களோ, ஸ்லோகங்களோ எதுவும் இல்லை.பகவானுக்கும் பக்தனுக்கும் இடையே எவருமில்லை.பக்தன் நேரடியாக தெய்வத்திடம் முறையிடலாம்.சாதி வித்தியாசங்களோ உயர்ந்தவர் தாழ்ந்தவர் என்ற பாகுபாடுகளோ  இங்கில்லை.

வெள்ளாட்டம் ;  பயன்குற்றி ; மற்றும் சுற்று விளக்கு எனும் முக்கிய வழிபாடுகள் உள்ளன.

வெள்ளாட்டம் ;

இது  எங்கும் காணக்கிடைக்காத ஒரு தெய்வீக நிகழ்வு ஆகும்.கடவுள் சம்மந்தப்பட்ட நிகழ்வுகளை ஒரு நாட்டிய கலையாக வெளிப்படுத்துவார்கள்.அது சமயம் கடவுள் அந்த வெள்ளாட்ட கலைஞனுக்கு தெய்வ சக்தி அளித்து தன சொரூபமாக இயக்குகிறார்.

பக்தர்கள் தமது துன்பங்களையும் இன்னல்களையும் தெய்வ சக்தி பெற்ற அந்த கலைஞனிடம் கூறுகின்றனர்.தெய்வம் அந்த மனித சக்தியின் மூலமாக பக்தனுக்கு ஆறுதலையும் துன்பங்களுக்கு தீர்வையும் கூறுகிறார்.

பயன்குற்றி :

முத்தப்ப தெய்வத்திற்கு தினசரி மாலை 6.30 மணிக்கு பயன்குற்றி பூஜை நடத்துவார்கள்.கடவுளுக்கு பயறு, தேங்காய் கீற்றுகள் ,இளநீர் ஆகியன வைத்து பூஜை நடத்திய பின் பக்தர்களுக்கு அது பிரசாதமாக வழங்கப்படும்.

சுற்று விளக்கு என்பது பிரகாரத்தை சுற்றி உள்ள  36 விளக்குகளில் தீபம் ஏற்றப்படும்.மேலும் பல வழிபாடுகளும் உள்ளன.

முத்தப்ப தெய்வமே என்று அடிமனதில் இருந்து ஆத்ம சுத்தி உடன் அழைத்தால், விளித்தவர் எவராயினும் அவர்தம் துயர்களை களைந்திட காத்திருக்கும் கோவை வடவள்ளி முத்தப்பனை தரிசித்து அனைத்து வளமும் பெற்று வாழ பக்தியுடன் அழைக்கிறோம்.